Vuot lea stuorra bohccočora vuddjon togii Røros gielddas.
Vuot lea stuorra bohccočora vuddjon togii Røros gielddas.
Dán čállá rørosnytt.no. Mannan bearjadaga beaivit šadde 17 bohcco toga vuollái Høsøien báikkis. Vuot lea stuorra bohccočora vuddjon togii Røros gielddas, čállá rørosnytt.no. Mannan bearjadaga beaivit šadde 17 bohcco toga vuollái Høsøien báikkis. Lei davás guvlui mannamin toga mii šuvihii čorraga sisa ja bohccot vuddjojedje. Magne Haugom ja Bjarne Haugen geaid ledje bivdán boahtit lihkohisvuođabáikái, čuovuiga ruovdemáđii ovtta gaskka ja ii lean sudno mielas somá oaidnit vuddjon bohccuid.
– Dát lea hirbmat váivi, sihke elliide ja togabargiide. Bohccot ledje ilgadit billašuvvan, gorutoasit guktui beal ruovdemáđii, muitala Magne Haugom aviisii.
46 bohcco vuddjon
Ii leat guhkkit go 20 beaivvi dassá go 46 bohcco vuddjojedje togii Harborg báikki bokte. Haugom oaivvilda sivva mannan bearjadaga lihkohisvuhtii lea go bohccot leat mannán rastá ruovdemáđii Harborg bokte. Das maŋŋá lea vázzán máttás guvlui ja beassan ruovdemáđii ala Havsjøveien bokte.
– Orru leamen nu ahte muhtin bohccot leat báhcán Harborg báikái ovddit lihkohisvuođa rájes. Ii oktage diehtán dohko ledje báhcán bohccot, čilge Magne Haugom.
Olbmot leat guorran gávdnojit go eanet bohccot guovllus, muhto eai luottat mana eret ruovdemáđii, nu ahte orru leamen nu ahte olleš čora vuddjui.
