Pandemija, alit eallingollu ja Ukraina-soahti leat bidjan 165 miljovnna olbmo geafivuhtii 2020 rájes. ON bivdá bottu riikkaid vealgemáksimiin.
ON ovdánanprográmma (UNDP) dutkosa mielde mearkkaša dat ahte 75 miljovnna olbmo leat golmma jagis gártan ekstrema geafivuhtii mas eai diine eambbo go 2,15 dollara beaivái. 90 miljovnna olbmo ges ellet geafivuođas 3,65 dolláriin beaivái.
Buot 165 miljovnna geat leat gártan geafivuhtii daid maŋimuš jagiid orrot vuollegis- dahje gaskadienasriikkain.
ON lea bivdán ovdánahttinriikkaid bissehit daid eará riikkaid vealgemáksima muhtun áigái vai ruđat geavahuvvojit baicca sosiála goluide ja dasa ahte eastadit makroekonomalaš šohka čuozahusaid. (©NTB)
