Kurt Pasvikbamsen Wikan muitala ahte leat olu buorit ohccit.
FeFo direktevravirgi almmuhuvvui ohcan ládje golggotmánu nubbi beaivvi rájes. Ohcanáigemearri lea vássán, ja FeFo stivrrajođiheaddji Kurt Pasvikbamsen Wikan muitala 15:s leat ohcan virgái.
— Oassi ohcciin lea bivdán ahte sin namat eai almmuhuvvo , nu fertet dál geahččat ohcamiid vuđolaččat ovdal go almmuhat ohcanlisttu, dadjá Pasvikbamsen Wikan.
FeFo-direktevra Jan Olli (62) loahpaha iežas mearreáiggi 2024 čavčča.
Gelddolaš virgi
— Ledjen sávvan eambbosat ohcet, ahte vuođđu livčče stuorát. Dá lea okta dain eanemus gelddolaš virggiin Finnmárkkus. Ihttin mii álgit geahčadit ohcamiid, dadjá Kurt Pasvikbamsen Wikan.