Johtolatpolitiijain leamaš leaktobearráigeahčču guovtti sámi suohkanis.
Finnmárkku politiijaguovlu dieđiha ahte sis leamaš johtolatbearráigeahčču Buolbmágis, Deanu gielddas.
– Vihtta biilavuoddji ožžo álkes sáhku. Báikkis lea leaktomearri 50 kilomehtera diimmus, alimus leaktu lei 71 kilomehtera diimmus.
Leaktobearráigeahčču čađahuvvui bearjadaga iđitbeaivve.
Logis sáhkohalle
Bearjadaga lei maiddái Dielddanuori suohkanis leaktobearráigeahčču.
– Logi biilavuoddji sáhkohalle go vudje menddo jođánit. Báikkis lea leaktomearri 60 kilomehtera diimmus, dieđiha Romssa politiijaguovlu.
