Dássážii leat 53 olbmo heavvanan 2023:s, dat lea guhtta eanet go diibmá seamma áigodagas.
– Mii leat vuorjašuvvan go eambbosat leat heavvanan diimmá ektui. Mii dárbbašit ulbmillaš doaimmaid eastadan dihte heavvanemiid, lohká Redningsselskapet váldočálli Grete Herlofson.
Oktiibuot heavvanedje 25 olbmo geassemánus ja suoidnemánus, 24 dievddu ja okta nisu. Dáid searvvis lei maid okta mánná gii lei vuollel 16 jagi boaris. Gávccis heavvanedje maŋŋel go gahčče čáhcái, gávccis heavvanedje fanasmátkkiin ja čiežas ges dušše vuojadettiin. Dasa lassin heavvanii okta olmmoš buokčaleami oktavuođas ja okta ges lei fidnofatnasis. Okta dievdu ges heavvanii go geahččalii gádjut máná heavvaneamis.
(©NTB)
