128 olbmo leat goddon ikte terrordaguid geažil Parissas Frankriikkas
Diibmu 4.28 Frankriika presideanta Francois Hollande go ollen Bataclan teáhterii terrordáhpáhusa oktavuođas lohká ahte váldá dili duođalaččat.
– Terroristtat geat sáhttet dahkat ná vearrái daguid galget diehtit ahte sin vuostá lea dál olles Frankriika.
Frankriika oaivegávpogis Parisas leat 128 olbmo jápmán ja 180 leat hávváduvvan terrordaguid geažil ikte eahkedis. Politiijat navdet ahte buot terroristat leat jápmán, čiežas dáin bávkkáledje iežaset jámas. Parisa vásihii ikte eahkes dan vearrámus falleheami nuppi máilmmi soađi rájes go terroristat fallehedje earret eará Bataclan konseartabáikki ja Stade de France spábbačiekčanšillju.
