Ráđđehus árvala juolludit 120 miljovnna ruvnno áibbas ođđa doarjjaortnegii eanet geavatlaš ja máŋggabealat 5.–10.dási oahpahussii. Doarjja galgá geavahuvvot rusttegiid ja oahppanarenaid investeremiidda buot riikka gielddain.
– Dálá skuvllas lea beare olu jaskatvuohta ja menddo unnán variašuvdna ja praktihkalaš oahppan. Skuvllat miehtá riikka dieđihit ahte sii dárbbašit eanet resurssaid reaidduide ja molssaevttolaš oahppanarenaide vai sáhttet addit ohppiide vejolašvuođa oahppat sihke oivviin ja gieđain, dadjá máhttoministtar ja Bargiidbellodaga nubbejođiheaddji Tonje Brenna.
Ná olu ožžot sámi guovlluid gielddat ja suohkanat:
Áltá – 490 000
Aarborte – 26 000
Deatnu – 45 000
Dielddanuorri – 92 000
Gáivuotna – 24 000
Guovdageaidnu – 66 000
Hábmer – 46 000
Kárášjohka – 49 000
Loabát – 27 000
Porsáŋgu – 71 000
Raarvihke – 10 000
Rossen – 109 000
Snåasa – 33 000
Unjárga – 22 000
Lea gielddaid duohken mearridit masa sii válljejit geavahit ruđaid. Ovdamearkka dihtii sáhttá 120 miljovnna mearkkašit oktiibuot 9000 garraduodjebeaŋkka dahje 63 000 goarrunmašiinna dahje 120 000 mikroskohpa.
Doarjjaortnega birra
· 120 miljovnna ruvdno juhkkojuvvo gielddaide, mii lea juhkkojuvvon almmolaš vuođđoskuvllaid ohppiid logu mielde. Ruđat juhkkojuvvojit ovttageardánis ohcanskovi mielde Oahpahusdirektoráhtas.
· Buot unnimus gielddaide lea dáhkiduvvon 10 000 ruvdnosaš vuolimus submi.
· Priváhta skuvllat buhtaduvvojit dábálaš vuogi mielde nu ahte dát ruđat biddjojuvvojit doarjagii guokte jagi maŋŋil.
