Áhtavuonas Nordlánddas lea báktesárgun gávdnon man dutkit jáhkket leat 10 000 gitta 11 000 jagi boarisin, ja gávnnus govviduvvo leat máilmmisensašuvdnan.
Áhtavuonas Nordlánddas lea báktesárgun gávdnon man dutkit jáhkket leat 10 000 gitta 11 000 jagi boarisin, ja gávnnus govviduvvo leat máilmmisensašuvdnan.
Mannan geasi dieđihii pensionerejuvvon geologa Ingvar Lindahl gávdnan báktesárgosiid Áhtavuonas Nordlánddas.
Guorahallamat muitalit ahte govva, mii lea fatnasa govva, sáhttá leat gaskal 10 000 ja 11 000 jagi boaris. Dál jáhkket dán leat máilmmi boarráseamos govvan fatnasis.
– Lea hirbmat stuora ášši, ja rievtti mielde máilmmisensašuvdna mii manná dutkama historjái, dadjá Romssa universitehta arkeologa Jan Magne Gjerde NRK:i.
Beaivvádagas sáhttá oidnot
Geađgeagis lei mearra badjelis go dál, ja go geahččá man ollu mearra lea cohkon, de sáhttá oaidnit man boarrásat sárgosat leat, dadjá arkeologa.
Báktesárgosa lea hui váttis oaidnit, muhto oidno buoremusat go beaivváš báitá gilggas.
– Fanas lea badjelaš njeallje mehtera guhku. Das oidno bures ovdageahči, fanasravda ja maŋŋegeahči. Ii sáhte doarvái bures čilget dakkár gávdnosa, ja lea issoras suohtas, lohká Gjerde.
Loahpageahčen 2017 almmuhuvvo dieđalaš ášši gávdnosa birra.
(©NTB)
