Ovdal leat goahtejođiheaddjit válljejuvvon.
Ovdal leat goahtejođiheaddjit válljejuvvon.
Sámi allaskuvlla stivra lea mearridan Seija Risten Sombyi fállat jahkemearrevirggi Sámi oahpaheaddjeoahpuid ja álgoálbmotjournalistihka goađi jođiheaddjin 1.1.18 rájes 31.12.21 rádjái, čállá Sámi allaskuvla iežaset neahttasiiddus.
Vuosttaš geardi go virgádit goahtejođiheaddji
Lea vuosttaš geardi go Sámi allaskuvla virgáda goahtejođiheaddji go ovdal leat goahtejođiheaddjit válljejuvvon. Dát čuovvu dan ođđa goahtestrukturproseassa man stivra lea mearridan.
Guhkit áiggi bargan Sámi allaskuvllas
Seija Risten Somby lea bargan Duoji ja oahpaheaddjeoahpuid goađi goahtejođiheaddjin 2014 čavčča rájes. Dan ovdal son lea duojis allaskuvlalektorin leamaš. Sus leat duojis fidnooahpaheaddjin ja fil. mag. gráda sámegielas ja sámi kultuvrras. Dasa lassin lea váldán gaskafágaoahpuid earret eará pedagogihkas. Son lea maid loahpaheame doavttergráda kulturantropologiijas..
