Guovdageainnu davábealde lei okta bivdi láhppon, ja Seaking gádjunhelikopter gávnnai su vuollel diimmus.
Guovdageainnu davábealde lei okta bivdi láhppon, ja Seaking gádjunhelikopter gávnnai su vuollel diimmus.
Válddi vuollel diimmu dan rájes go SeaKing joavddai Njivlevuopmái gitta dievdu gávdnui.
– Dearvvašvuođabargit leat dál dárkkisteame ahte dievdu lea dearvvaš ja ii leat roasmmohuvvan moktege, muitala operašuvdnajođiheaddji Sverre Andre Opdahl.
Lei árat beaivvi go Davvi-Norgga váldogádjunguovddáš ožžo dieđu meahcásteddjiin ahte leat deaivan ovta dievddu Njivlevuomis, birrasiid 3 miilla Guovdageainnu davábealde, guhte lei láhppán oaggunolbmá go ii lean gullan sus máidege jándorii.
Váldogádjunguovddáš sáddejedje ovttatmano Seaking gádjunhelikoptera báikái.
Seammás maid bidje johtui sihke báikkálaš Rukses ruossa, ja maid gádjunbeana joavkku.
Ovdal go sii ledje ollen ge báikái, de lei juo dievdu gávdnon.
Dehálaš dieđihit
Vaikke dievdu gávdnui hui johtilit, de goitge Opdahl ii mieđit ahte lea beare árrat dieđihuvvon dievdu láhppon go nu álkit gávdnui.
– Na mii eat leat álkit gávdnan dievddu, mii han leat sádden gádjunhelikoptera báikái, ja dalle lea duođalaš dilli, lohká son, ja rávve vel:
–Lea buoret buori áiggis dieđihit go beare maŋŋit, lohká son vel loahpas.
