Juvente sáddii diibmá 1393 nuora, geat leat gaskal 13- ja 16-jahkásaččat, buvdii oastit alkohola. 18,5 proseantta ožžo oastit gálvvuid main lea 18-jahkemearri.
Bohtosat dán jagáš iskkusraporttas čájehit ahte 2019:s eai beassan dattege seamma ollusat oastit alkohola go jagi ovdal. 2018:s ožžo 20 proseantta nuorain oastit alkohola. Juvente oaivvilda ain ahte lea menddo álki vuolleahkásaččaide oastit alkohola.
Nuorat, geat sáddejuvvojit iešguđetge buvddaide riikkas, eai leat gárvoduvvon boarrásappon go leat.
Nieiddat ožžot oastit dávjjibut go gánddat, ja Romssas ja Finnmárkkusi dávjjimusat vuvdet alkohola vuolleahkásaččaide.
