Gáivuona suohkanis vuolidit leahttomeriid. Dát doaibmagohtet dakkaviđe go ođđa šilttat ceggejuvvojit báikkiide.
Olmmáivákki skuvla buohta vuolidit leahttomeari, cealká Stáhta geaidnodoaimmahat.
Ođđa leahttomearri lea 30 km/t. Dássážii leamaš lohpi vuodjit 50 km/t.
Ođđa leahttomearri guoská 630 mehtera guhkkosaš gaskii.
Doaibmagohtet fargga
Maiddái Lávkgiettis, Gáivuona suohkanis, vuolidit leahttomeari.
110 mehtera guhkkosaš gaskii biddjo leahttomearri 50 km/t.
Ođđa leahttomearit doaibmagohtet dakkaviđe go ođđa šilttat ceggejuvvojit báikkiide.