Guovvamánus meannuduvvo ášši dikkis, ja čuoččuhus lea ahte dievdu massá vuodjinkoartta.
Sis-Finnmárkku diggegoddi meannuda ášši vuollel 20-jahkásaš dievddu vuostá gii galgá leat vuodján beare leahtus riikaluodda 92:s.
Sus čájehuvvui politiijaid mihtideamis leamaš 134,71 kilomehtera diimmus go válddahalai politiijaide.
Luodda gos vujii, doppe lea alimus leahttomearri 80 kilomehtera diimmus.
Čuoččuhuvvon massit koartta
Son lea rihkkon geaidnojohtolatlága páragráfa 33, mas daddjo ahte jus dubmehallá, de massá vuodjinkoartta ovtta áigái dahje agibeaivái.
Dáhpáhus galgá leamaš golggotmánu 6. beaivvi 2017.
Áktor áššis lea Martin Arneng Varsi ja bealušteaddji sus lea Trond Biti.
Ášši meannuduvvo Deanu diggeviesus guovvamánu 16. beaivvi.
