Sámi juoigi ja lávlu vuittii álbmotmusihkkáriid šuokŋadahkangilvvu.
Sámi juoigi ja lávlu vuittii álbmotmusihkkáriid šuokŋadahkangilvvu.
Ohcejoga álbmotmusihkkár ja lávlu Hildá Länsman lea ovttas Viivi Saarenkyläin vuoitán álbmotmusihkáriidda dárkkuhuvvon šuoŋadahkangilvvu mannan vahkkoloahpa Helssegis. Dan čállá yle.fi.
«Hildá Länsman ja Viivi Saarenkylä šuoŋas juoigan addá oktiigullevašvuođa dovddu lundui, máttuidasamet ja ráhkada muittu bistevašvuođas ja mátkki dahkamis.»
Nu lohke duopmárat vuoitošuoŋa birra.
Hilda Länsman lea evttohassan maid Etnogaalas, mii lea álbmotmusihka ja -dánssa ávvudáhpáhus.
Etnogaala ordnejuvvo vuosttas geardde dán čavčča, skábmamánu 11. beaivve Helssegis ja dat čájehuvvo maid TV:s.
Etnogaala ordnejeaddjit Álbmotmusihka ja Álbmotdánssa Ovddidanguovddáš ovttas Ylein ja eará musihkkadoibmiin. Etnogaala lea oassi máilmmimusihkkafestivála Etnosoi!-prográmma.
