Sis- Finnmárkku diggegoddi lea virgádan Karen Kristine Fredeng Bårje ja Maret Aile Sara ođđa duopmárfámohassan.
Sis- Finnmárkku diggegoddi lea virgádan Karen Kristine Fredeng Bårje ja Maret Aile Sara ođđa duopmárfámohassan.
Soai álggiiga borgemánu 22.beaivve 2016. Maret Aile Sara lea Inger Eline Eriksena sadjásaš, geas lea jagi virgelohpi.
Boazodoalloriekti sierrafága
Maret Aile Sara lea 25 jagi ja lea guovdageaidnulaš. Son válddii juridihkalaš mastergráđa Tromssa universitehtas 2015:s. Son lea ovdal bargan vuosttaškonsuleantan Olgoriikkalašdirektoráhta orrunossodagas.
– Maret Ailes lea sámegiella eatnigiellan. Lassin dárogillii ja eŋgelasgillii, son máhttá maid bures suomagiela. Su sierrafága lea boazodoalloriekti ja fitnodatriekti, čállá Sis-Finnmárkku diggegoddi preassadieđáhusastis.
Son lea čállán masterbarggu, gos dutká soahpá go boazodoallolága §60 goalmmát láđas njuolggadusain europálaš olmmošvuoigatvuođakonvenšuvnnas mii gáhtte opmodaga, dieđiha Sis-Finnmárku diggegoddi.
Bargan advokáhttan
Karen Bårje lea 28 jagi boaris ja lea kárášjohkalaš. Son válddii 2011:s juridihkalaš mastergráđa Tromssa universitehtas ja LLM Dundee Universitehtas Skottlánddas. 2011 rájes lea son bargan Tekna-luonddudieđalaš searvvis juridihkalaš ráđđeaddin ja das maŋŋel advokáhtafámohassan.
– Káres lea sámegiella eatnigiellan. Lassin dárogillii ja eŋgelasgillii, sus lea maid gelbbolašvuohta tuiskagielas. Su sierrafágat leat, Corporate Governance, Intellectual Property law, Principles of International Contract og International Dispute Resolution, čállá sis-Finnmárkku diggegoddi.
