Bargiidbellodaga sámediggejoavku nagodii oažžut Vilgesvárrái ruhtadoarjaga Sámedikki bušeahtas.
Bargiidbellodaga sámediggejoavku nagodii oažžut Vilgesvárrái ruhtadoarjaga Sámedikki bušeahtas.
– Sámediggeráđđi, maid NSR jođiha, ii lean várren evrre ge Vilgesvárrái boahtte jagi sámediggebušeahtas. Mii njulgiimet gažaldaga ráđđái ja evttoheimmet juolludit 170 000 ruvnno Vilgesvárrái, muitala sámediggeáirras Arild Inga preassadieđáhusas.
Dehálaš guovlu
Vilgesvárri lea dološ márkosámi ássanbáiki 1850-logu rájes, ja lea Skániek suohkanis. Dál lea doppe musea ja lea olggodaddanbáiki.
– Min mielas lea márkosámi ássanbáiki Vilgesvárri hui dehálaš sámi kultuvrra ektui, historjjá, ealáhusa ja servvodateallima dihte. Mii galgat bures fanahallat ja váldit vára guovllus, lohká Inga.
