Viessu buollá Mázes, muhto viesus eai galgga leat olbmot. Geahča video buollimis!
Viessu buollá Mázes, muhto viesus eai galgga leat olbmot. Geahča video buollimis!
Sihke politiijat, ambulánsa ja buollánčáskadeaddjit leat báikkis, muhto eat bala viesus leat olbmot, muitala Oarje-Finnmárkku operášuvdnaguovddáža jođiheaddji, Sverre Jørgen opdahl.
Lei ovdalaš beal gávcci go heahteguovddáš oaččui dieđu ahte viessu lea buollán Mázes. Viessu lea boaresmállet viessu, ja doppe eai oro olbmot dábálaččat. Viessu lea oalát buollán, nu ahte buollánčáskadeaddjit eai nagot gádjut viesu.
Garra biegga
Garrá biegga Mázes maid dagahii ahte viessu buoláskii eambbo, muhto dál ii leat šat ballu ahte návet galgá buollát, mii lea bálddas dan viesu.
– Ii leat ballu šat ahte buolli viessu galgá bullehit eará visttiid ja viesuid, nu ahte ii leat dárbu gohččut olbmuid guođđit viesuideaset mat leat lahka, muitala Opdahl.
– Mis leat olbmot báikkis, ja mii dutkat ášši dábálaččat, dadjá Opdahl vel loahpas.
