Viessobuollin Sáttomarrasis Guovdageainnus beal čieža áiggi duorastaeahket. Viesu ássi lea beassan ieš olggos buolli viesus, ja viesus eai galgga leat eará olbmot. Buollinčáskadeaddjit leat jáddadeame buollima, dieđiha Finnmárkku politiijaguovlu Twitteris.
Operašuvdnajođiheaddji Asgeir Aule muitala ožžon dieđu buollima birra njuolga maŋŋel diibmu guđa.
– Mii oaččuimet jođanit viesu ássi ságaide, ja son lea dál dearvvašvuođaguovddážis iskosis go lea vuoigŋan vehá mirkosuova, muitala Aule Ávvirii.
– Mii eat dieđe buollinsiva vel go eat leat hupman viesu ássiin, muitala operašuvdnajođiheaddji.
Buollinteknihkalaš ossodat galgá iskat manne buollái.
