Amanda Kernell filbma Sameblod (Samien vierre) vuittii LUX-bálkkašumi man EU-parlameanta Strasburgas jugii. Dál háliidit vuoitit juogadit bálkkašumi olles Sámiin.
Amanda Kernell filbma Sameblod (Samien vierre) vuittii LUX-bálkkašumi man EU-parlameanta Strasburgas jugii. Dál háliidit vuoitit juogadit bálkkašumi olles Sámiin.
Filbma lea jo ollu bálkkašumiid vuoitán miehtá máilmmi, ja disdaga oaččui filbma vel ovtta bálkkašumi.
Lene Cecilia Sparrok ja Mia Erika Sparrok válddiiga bálkkašumi vuostá ja giitaleigga sártniin.
– Mii leat ain dás
Dán soai logaiga go giitiiga bálkkašumi ovddas:
«Moai áigo dadjat ahte mii leat ain dás. Beaivválaččat guođohit bohccuid, ja oaidnit juohke beaivvi kolonisttalaš jurddašeami ja politihka man oaidnibehtet «Sameblod» filmmas. Movt rasisttalaš jurddašeapmi čuohcá. Movt guohtuneatnamiid váldin čuohcá. Movt dálkkádatrievdan čuohcá. Olbmuid láhtten ja guottut. Movt lea hupmat dakkár giela man ON lohká measta jávkan.
Muhto mii leat ain dás.
Oažžut dán bálkkašumi dovdo dego divodeapmin boarráset sámi buolvvaide geat vásihedje gieđahallama dego leat unnit árvvus eai ge nu jierbmát. Mii háliidit juogadit dán bálkkašumi singuin – ja Sámiin.
Mii sávvat ahte Eurohpá maid heaitá olmmošnáliid birra jurddašeames, mii ja sii.
Thank you. Gäjhtoe. Jih baajh vaerede årrodh.»
