Vel njeallje skutermáđija rahppon Kárášjoga gielddas

Kárášjohka: Kárášjoga gielda dieđiha neahttasiddus ahte sii leat rahpan vel njeallje máđija gielddas.

Dat njeallje máđija leat:

Máđii 3: Ássebávttis beaivvášgieddái. Máđii ii leat rabas gitta Beaivvášgieddái, muhto Gorvá rádjái.

Máđii 6: Kárášjoga šalddis Anárjoga álbmotmeahci ráji ala. Dat máđii ii maid ollásii rahpon, ja lea rabas dušše Anárjoga šalddi rádjái.

Máđii 9: Badjenjárggas Lávkajávrái. Dat máđii lea maid dušše idjajávrri rádjái rahppon.

Máđii 18: Niitonjárggas Jeagelvármáđii bisánansadjái. Dat lea ollásii rabas.