Riikaviidosaš veaddingeatnegasvuohta doaibmagođii vuossárgga, cuoŋománu 1. beaivvi. Norsk Kennel Klub ávžžuha beatnateaiggádiid čájehit ovddasvástádusa ja doahttalit veaddingeatnegasvuođa.
Olles riikkas lea vuossárgga rájes veaddingeatnegasvuohta, earret guođohanbeatnagiin mat leat barggus.
– Lea presiserejuvvon ahte veaddingeatnegasvuohta mearkkaša ahte beana galgá čadnojuvvot gitta, dahje gárddis. Ii leat doarvái ahte lea kontrolla beatnagis, čuožžu Norsk Kennel Klub preassadieđáhusas.
Veaddingeatnegasvuohta, mii bistá gitta borgemánu 20. beaivvi rádjái, guoská buot beatnagiidda, beroškeahttá šlájas, sturrodagas ja geavahanvuogis.
Eallit leat erenoamáš hearkkit cuoŋománus gitta borgemánnui, ja beatnagat galget danne dollojuvvot báttis suodjalan dihtii elliid. (©NTB)
