Váile diibmu10:30 ožžo buollinčáskadeaddjit dieđu ahte NRK Sápmi váldokantuvrras Kárášjogas váruhedje gássa leavvama. Buollinčáskadeaddjit iske vistti ja gávnnahedje ahte ii lean mihkkege váralaš gássa man bargit ledje haksán, dieđihit politiijat Twitteris.
NRK Sápmi doaibmi direktevra Elle Márjá Sara muitala ifinnmark.no ahte hakse riššahája go bohte bargui iđđes.
– Mii dieđiheimmet buollinčáskadeddjiide hája birra, ja sii dáhtto min guođđit visti go eai diehtán siva hádjii, muitala Sara iFinnmark:ii.
Sara dadjá ahte čájehuvvui ahte batteriijapáhkka mii lei báhkkanan menddo sakka dat ráhkadii hája. Buollinčáskadeaddjit leat dál čorgen batteriijaid eret ja leat biggodan visti.
