Norgga Sámiid Riikkasearvi (NSR) lea válljen ođđa jođihangotti ja jođiheaddjin lávkii Beaskka Niillas.
Norgga Sámiid Riikkasearvi (NSR) lea válljen ođđa jođihangotti ja jođiheaddjin lávkii Beaskka Niillas.
Norgga Sámiid Riikkasearvvi sámediggejoavku lea válljen ođđa parlamentáralaš jođihangotti čakčamánu 15.beaivvi, maŋŋel ovddeš jođiheaddji Kirsti Guvsám álmmuhii guhkidit virgelobi.
Ii sáhttán joatkit
Joavku doalai ođđa válgga go ovddit parlamentáralaš jođiheaddji Kirsti Guvsám ii sáhttán joatkit bearašdilálašvuođa dihte. Beaskka Niillas lea doaibman jođiheaddjin dan rájes, muhto lea dál válljejuvvon ođđa jođiheaddjin.
Ođđa várrelahttu
Ođđa várrelahttu lea Sandra Márjá West Gáiseguovllu válgabiirres. West lea Bajásšaddan-, fuolahus- ja oahppolávdegottis Sámedikkis.
Muđui leat rievdadusat luohttámušdoaimmain joavkkujođihangottis.
Dálá parlamentáralaš jođihangoddi:
– Beaska Niillas, jođiheaddji
– Christina Henriksen, nubbinjođiheaddji
– Áilen Niiga Máhtte-Mathis Nilsen Eira, miellahttu
– Sandra Márjá West, várrelahttu
