Finnmárkku politiijain lei jaskes idja mannan ija. Dušše moadde ášši šadde fitnat čoavdimin. Dán dieđiha Finnmárkku politiijaguovlu Twitteris.
Finnmárkku politiijain lei jaskes idja mannan ija. Dušše moadde ášši šadde fitnat čoavdimin. Dán dieđiha Finnmárkku politiijaguovlu Twitteris.
Ikte eahkedis válduiga guovttis Ohcejogas go leigga 201 kilo guoli fievrrideamen rastá rájá Supmii. Politiijat ceggejit ášši dás.
Guorbmebiila darvánan
Politiijat dieđihedje odne iđđes diibmu 6.26 ahte guorbmebiila lei darvánan Kløftai ja hehttii johtolaga. Dál lea ášši čovdojuvvon.
Gaikon skuvlii
Hámmárfeasttas válduiga guokte nuora gitta, geat leaba vuollel 18 jagi, go leaigga gaikon sisa Breidablikk skuvlii maŋŋá skuvllaáiggi. Politiijat dolvo sudno váhnemiid lusa.
Časkán ámadadjui
Álttás ožžo politiijat odne iđđedis diibmu 6.18 dieđu ahte muhtin almmái lei huškon nuppi, son lei máŋgii časkán su ámadadjui. Politiijain leat dieđut albmá birra ja čuovvolit ášši.
Álttás maid gohččojuvvo politiijat mannat muhtin pára gaskii geat leigga riidaleamen. Politiijat čovde ášši.
