Widerøe heaittiha ovttaskas kommersiealla gaskkaid maid ovtta botta doarjjui stáhta. – Dat lea dieđusge váivi, dadjá fylkkaráđđi Kristina Hansen (Bb).
– Lea hui váivi go Finnmárkku ealáhusdoaimmaide ja bajit mátkkošteapmái, erenoamážit Čáhcesullui ja Girkonjárgii, dán háve čuohcá, dadjá fylkkaráđđi.
Fylkkasuohkan háliida ahte galgá viiddis ja buorre fálaldat buohkaide. Muhto, dál leat erenoamáš áiggit – maiddái áibmojohtolagas – ja mátkkošteapmi ii leat nu olu dán áigge, čujoha Hansen.
– Widerøe lea fitnodat mii lea sorjavaš dinet ruđa, ja go rukto ii leat gánnáhahtti, de ferte leat áddehahtti ahte fertejit heivehit doaimma, vaikke lea hui šállošahtti.
Ráđđehus galgá dál fuolahit ahte lea dohkálaš dássi Romssa ja Finnmárkku girdinfálaldagas, oaivvilda Hansen.
– Mun áiggun ášši váldit ovdan iežamet stuorradiggepolitihkkáriiguin ja čuovvut ášši departemeanttas, loahpaha fylkkaráđđi.
