– Dán rádjai jagis leat 51 olbmo massán heakkas norgga geainnuin. Logis sis leat ahkejoavkkus 16-25, dadjá prošeaktajođiheaddji Nuorra Johtolagas Liv Marie Bendheim.
– Dađibahábut nuoramus vuoddjit eai jurdil makkár váikkuhusat alla leavttus sáhttá leat johtolagas. Dat lea balddihahtii, dadjá Liv Marie Bendheim preassadieđáhusas.
Son dadjá leat earenomážit nuorra gánddat geat vudjet menddo johtilit. Son dadjá maid ahte ii háliit bilidit geasseilu, ja čuoččuha ahte eatnašat vudjet várrogasat.
– Diibmá ii massán oktage vuollel 16 jagi heakka norgga geainnuin. Dát leat buorit logut ovddit jagiid ektui, sávan dát logut bissot maiddái boahtteáiggis, dadjá Bendheim.
