Boazopolitiijat leat iskan ealgabivdiid dán čavčča sihke Kárášjogas ja Guovdageainnus. Oktiibuot 55 bivdi fitne iskame logi bivdoguovllus ja 11 ášši leat váidon.
Boazopolitiijat leat iskan ealgabivdiid dán čavčča sihke Kárášjogas ja Guovdageainnus. Oktiibuot 55 bivdi fitne iskame logi bivdoguovllus ja 11 ášši leat váidon.
– Eanaš oassi ealgabivdiin lei buot ortnegis ja sis lei buorre bivdomorála, muhto dađi bahábut gávnnaimet dán jagi maid dilálašvuođaid gos eai čuovo mohtorjohtolatlága ja rihkkot bivdofuođđolága. Min bálvvát leat oaidnán ahte bivdojuvvo ATV:in, eai ge leat nagodan oažžut gitta bivdi. Mii gávnnaimet maid guokte njuovvanbáikki mat eai lean dieđihuvvon, ja mii orru čájeheame suoli njuovvan ealgga, muitala Boazopolitiija jođiheaddji ja politiijabajitbálvá Inger Anita Øvregård.
Váidán áššiid
Politiijat dieđihit ahte leat váidán dilálašvuođaid, ja háliidit cavgilemiid olbmuin jus leat oaidnán lobihis bivddu.
– Mii diehtit ahte olbmot muhtin guovlluin geat eai beasa bivdit, dušše váldet elliid. Sis váilu bivdolohpi dahje soitet vála siste gosa eai gula. Sii billistit eará bivdiid ovddas geat bivdet lobálaččat, ja ealganálli sáhttá goariduvvot, dadjá Øvregård.
Boađus Boazopolitiijaid iskkadeamis Guovdageainnus ja Kárášjogas:
55 bivdi iskon logi bivdoguovlluin:
• Njeallje váidaga go mohtorjohtolatlága leat rihkkon ealgabivddus.
• Okta sáhkku go silta ii leat rievttes ládje gitta.
• Okta váidda go lea vuodján vuojániin maid ii sáhte registreret.
• Okta váidda go ii leat vuodjinkoarta
• Okta váidda go lea bivdán ATV alde
• Okta váidda go lea vuodján vuojániin mii ii leat registrerejuvvon.
• Guokte váidaga go leat gávdnan guokte njuovvanbáikki mat eai leat dieđihuvvon.
