Viđas ledje váidán go Norge Rundt TV-ráiddu fuolaheaddji sámástii. NRK prográmmaráđđi ii váldán váidagiid bealljái ge.
*/
NRK prográmmaráđđi lei ožžon badjel 700 váidaga. Odne lei ráđis čoahkkin gos meannudedje oasi.
Viđas ledje váidán Norge Rundt sáddaga, mas dán čavčča lea leamaš lullisámegielat fuolaheaddji.
Prográmmaráđđi ii meannudan buot váidagiid, muhto ráđđelahttu Steinar Pedersen lohká NRK Sápmái ahte váidagat eai ožžon doarjaga ráđis.
– Lunddolaš oassi
– Áibmomeadiahoavda deattuhii go sáhka lei váidagiid birra, ahte sámegiella ain galgá leat lunddolaš oassi NRK fálaldagas. Áibmomeadiahoavda logai sámi gielat galget gullot ja oidnot buot NRK sáddehagain, logai Steinar Pedersen NRK Sápmái.
Vaino Rensberg lea dán čavčča láidestan Norge Rundt sáddaga NRK:s. Son lea vuosttaš lullisámegielat fuolaheaddji.
