Vaikke lea oaggungielddus Deanučázádagas dán jagi, de oaivvilda Birasdirektoráhtta ahte lea «máilmmi deháleamos» áššin oažžut luosaid čázádahkii.
– Loguid maid dál oaidnit eai buvtte buori ođđasiid. Dat leamaš viehka unnán luossa maŋemuš golbma jagi, dadjá suoma beale Deanujoga lohkanvásttolaš, Panu Orell, NRK:i.
Sullii 14 000 tonna luossa gorgŋo Deanučázádahkii gođđat diimmá geasi. Dat lea bealli dan logus mii lei jagis 2018, mii iige lean buorre jahki.
Cuoŋománus sohpe Norgga ja Suoma eiseválddit gieldit luossabivddu čázádagas dán jagi. Birasdirektoráhta direktevra Ellen Hambro gohčoda čázádaga «máilmmi dehálepmosin».
(©NTB)
