Opmodatinvestora Olav Thona fitnodat, Thon Holding, lea golmma jagis ožžon 10 miljovnna ruvnnu Pántalotteriijas.
Norgga Pántálotteriija rehketdoalu mielde manai 2,5 proseantta lotteriija sisaboađus Thon:ii.
2018:s bidje olbmot 144 miljovnna ruvnnu Pántalotteriijai. 50 miljovnna mákso bálkkášumiide, 50 miljovnna Rukses Russii ja reasta manai Norgga Pántálotteriijai, mas Thon Holding eaiggáda 60 proseantta, reasta eaiggáda Rukses Ruossa.
Eaiggádat mákse 6 miljovnna vuoitodietnasis diibmá, ja 3,6 miljovnna manne Thon Holdingii. Finansavisen dieđuid mielde lea Thon Holding ožžon 10 miljovnna ruvnnu vuoitodietnasis Pántalotteriijas golmma jagis.
(@NTB)
