OffroadFinnmark vuosttaš joavkku olli mollii diibmu 12.49 ja lei Team FullRulle Sport joavku, gii lei buoremus dán jagi.
OffroadFinnmark vuosttaš joavkku olli mollii diibmu 12.49 ja lei Team FullRulle Sport joavku, gii lei buoremus dán jagi.
Team FullRulle Sport – Boberg joavkku sihkkelastti guovttos Daniel Boberg Leirbakken, gii lea Nordlysbyen Sykkel searvvi ovddasteaddji ja Daniel Strand, gii ovddastages Burfjord IL – sykkel, joavddaiga ovddemuš mollii dán jagáš albmái OF 300 luohkkás.
Lossat ja gáibideaddji
Daniel Strand dovddasta ahte mátkki leamaš lossat ja gáibidan ollu návccaid.
– Go olmmoš váibá, de návccahuvvá erenomáš vuogi mielde, muhto nagoda lihkká gávdnat návccaid joatkit, vaikko lea ain máŋga čuođi kilomehtera ovddas, muitala son ja su gilvoguoibmi lea áibbas ovttaoaivilis.
Vuoitán ovdal
Goappašagat leaba vuoitán ovdal OF 300, Leirbakken golbmii ja Strand guktii. Muhto vuosttaš háve vuittiiga ovttas. Jurdda lea searvat fas boahtte jagi gilvvuide, vaikko justa dál eaba dan birra jurddaš.
– Justa dál gal ii leat rivttes áigi dan birra jearrat, muhto dat lei goittot plána jo ovdal dán jagáš gilvvu, vástida Daniel Strand.
Leigga buoremusat
Goappašagagat dadjaba gilvvu hui erenomážin ja gáibida buori sihkkelastti. Soai oaivvildeabage ahte sudnos lei dán jagi veahá eambbo go earáin ja dan dihte nagodeigga vuoitit.
– Joavkku mii munno maŋábealde lea, ii leat nu garas riikadásis, muhto OffroadFinnmarkkus eai nu máŋgasat geat doarridit sin.
Sáhka lea Team SmartDok – Misund/Grønn joavkku birra, geat olliiba mollii váile diibmobeali maŋŋel vuoitojoavkku, diibmu 13.17.
