Ráđđehusa lassebušeahtas evttohit 200 000 euro soabadankommišuvnna álggaheapmái.
Ráđđehusa lassebušeahtas evttohit 200 000 euro soabadankommišuvnna álggaheapmái.
Ráđđehus álggaha sámeáššiide guoskevaš soabadanproseassa. Dan vuođđudeamis ráđđehus lea ságastallan ovttas Suoma Sámedikkiin, čállá Yle Sápmi.
– Suoma 100-jagi ávvujagi temán lea «Ovttas», ja ávvujagi vuoiŋŋas heive álggahit dán soabadanbarggu, man anán dehálažžan, dadjá stáhtaministtar Juha Sipilä.
Doarjut eamiálbmogii giela ja kultuvrra
Eará riikkain leat ollašuhttán dahje válmmaštallan eamiálbmogiid historjjá ja sajádaga guoskevaš komišuvnnaid, main leat viggan doarjut eamiálbmogiid giela ja kultuvrra seailuma ja ovddidit soabalaš ovdáneami.
– Sápmelaččat leat vuođđolága mielde Suoma eamiálbmot. Dan historjái gullet vánet čielggaduvvon jearaldagat, ja dan otná beaivái gullá hástalus giela ja kultuvrra seailumis maiddái boahttevaš sohkabuolvvaide, dadjá vuoigatvuođaministtar Antti Häkkänen.
Duohtavuođa- ja soabadankomišuvnnat leat veahkehan eamiálbmotservošiid miehtá máilmmi, ovdamearkka dihte Mátta-Afrihkás ja Kanadas.
