Sálbmagirjji šuokŋagirji almmuhuvvo dál maiddái Norgga oaivegávpogis.
Golggotmánu diibmá, badjel beannot čuohtejagi maŋŋel go vuosttaš sálbmagirji ilmmai davvisámegillii, de almmuhuvvui davvisámi šuokŋagirji «Sálbmagirjji šuokŋagirji». Dat almmuhuvvui Romssa duopmogirkus. Dál almmuhuvvui girji viimmat maiddái Norgga oaivegávpogis, Oslos. Dat dáhpáhuvvá Oslo duopmogirkus guovvamánu 3. beaivvi.
– Ođđa šuokŋagirji lea historjjálaš bargu. Girji lea ovddemusat ráhkaduvvon girkomusihkkáriidda ja organisttaide. Girkomusihkkár beassá dál jođihit lávluma sámi lávlunvuogi mielde, lohká Sámi girkoráđi ráđđeaddi ja dán prošeavtta koordináhtor Johan Máhtte Skum preassadieđáhusas.
Dehálaš seanadeami oktavuođas
Johan Máhtte Skum oaivvilda ahte girji lea maid dehálaš seanadanbarggu oktavuođas:
– Dát lea dehálaš oassi dan barggus, go lea seanadeaddji beassat lávlut sálmmaid iežas váimmugillii. Lea maid seanadeaddji beassat lávlut sálmmaid nu mo daid lávlot dan kultuvrras gos sálmmat ellet.
Oslo duopmugirku ovttas Sámi girkoráđiin sávvet buresboahtima boahtit gullat sámi sálbmalávluma ja maiddái oahpásmuvvat sámi sálbmaárbevieruide ja lávlunvuohkái.