-Almmuhus-
-Almmuhus-
OĐĐASATOažžu vel eambbo doarjaga šaddat presideanta­evttohassan

Oažžu vel eambbo doarjaga šaddat presideanta­evttohassan

-

-

Okta Norgga Sámiid Riikkasearvvi (NSR) stuorámus báikkálašservviin doarju Silje Karine Muotka presideantaevttohassan.

Čakčamanu 1. beaivvi Iinna ja biras sámiid searvvi (IBSS) stivrračoahkkimis mearridii stivra doarjut ahte Muotka berre leat NSR boahtte presideantaevttohas.

Duogáš

Duogáš dasa lea go Álttá Sámiid Searvi leat dieđihan sii bohtet čakčamanu 2. beaivvi evttohit Muotka presideantaevttohassan iežaset jahkečoahkkimis. Iinna ja biras sámiid searvi (IBSS) mii lea okta dain stuorámus báikkálašservviin, dorjot evttohusa. IBSS miellahtut leat Lulli-Romssas ja Davvi-Nordlánddas.

Njunnošis

Muotka lea leamaš NSR jođiheaddji, son lea jođihan Unjárgga Sámenuoraid Searvvi, Romssa Sámi Searvvi ja Álttá Sámiid Searvvi, ja maid NSR-nuoraidlávdegotti. Sus lea nana dovddiidus Sámedikkis ja lea okta dain politihkkariin gii lea eanemus oidnosis Sámedikkis, čállá IBSS-jođiheaddji preassadieđáhusas.

Ealljárvuohta

Stivra čállá viidáset leat uhccán olbmot geat dovdet NSR ja Sámedikki buorebut go Muotka. Muotkas lea máhttu, ja ealljárvuohta maid sii dárbbašit válggaid čađa ja ođđa sámediggeáigodagas. Sii bohtet doarjut su kandidáhttan riikačoahkkimis ođđajagimánus, loahpaha Larsen. 

Nubbi searvi

NSR:s leat oktiibuot 24 báikkálašsearvvi Norggas. Iinna ja biras sámiid searvi (IBSS) lea nubbi báikkálaš searvi geat evttohit Muotka presi­deanta­evtto­hassan. 

-Almmuhus-