Disdat eahket bulii Byggmakker ealáhusvisti Deanus gutnan ja sátnejođiheaddji lohká dat lea stuora vahágin Deanu servvodahkii go das lea sáhka stuora fitnodagas mas leat ollu bargosajiid.
Disdat eahket bulii Byggmakker ealáhusvisti Deanus gutnan ja sátnejođiheaddji lohká dat lea stuora vahágin Deanu servvodahkii go das lea sáhka stuora fitnodagas mas leat ollu bargosajiid.
*/
Ikte eahkes birrasiid diibmu 19.00 ožžo politiijat dieđu buollima birra Deanušalddis Byggmakker visttis, ja go politiijat ja buollinčaskadeaddjit ollejedje báikái, de lei vistti juo buollan nu stuorrát ahte eai nagodan gádjut vistti. Nuorta- Finnmárkku politiijaguovllu operašuvdnajođiheaddji Tommy Mikalsen muitala go vistti lei nu ollu buollimin, de dagahii jáddadanbarggu váttisin.
– Jáddadanbargu lei váttis dolá báhkkasa dihte, ja ovtta gaskka lei vára ahte vuorkávistti bálddas galggai maid buollit. Biegga goitge heivii nu ahte buollinčaskkaseaddjit sohpe cirgguhit čázi ja nu nagodedje hehttet nu ahte buollin ii viidánan eará visttiide, lohká Mikalsen.
*/
Siste buollán
Mikalsen lohká sin dieđuid mielde lei vistti guoros.
– Mis eai leat makkárge dieđut ahte olbmot galget leamaš vistti siste. Buollin galgá leat čuožžilan siskkobealde vistti, muhto eat vel dieđa man siva geažil, lohká son.
Čuvvot mielde
Mikalsen muitala sii leat bearráigeahččan buollánsaji olles áigge, vai ii galgga fas buoláskit.
– Mii čuovvut mielde buollánsaji goit vel otná beaivvi mielde, lohká son.
Viiddis guovlu
Deanu sátnejođiheaddji Frank Ingilæ lohká Byggmakker lea okta stuora fitnodat Deanu mihttuid mielde ja ievttá buollin lea vahát olles guvlui.
– Byggmakker ii atte fálaldaga ja skáhppo ávdnasiid dušše Deanu gieldda ássiide, muhto maiddái ránnjágielddaide nugo Unjárggii ja mearragátti gielddaide. Nu ahte lea váikkuhus olles guvlui, lohká son.
Sávvamis buorre dáhkádus
Ingilæ jáhkká Byggmakker bidjá doaimmaid johtui nu jođanit go vejolaš, go sin ávnnasvuorkká ii buollán.
– Gávpi gal dieđusge lea oalát buollán, ja dáidá ádjánit soames áiggi oažžut fas johtui. Mun sávan sis lea albma dáhkádus mii dagaha ahte bargit eai dárbbaš gillát dan áiggis go ođđa gávppi ožžot johtui, lohká Ingilæ.
