Maŋŋel go skuvllaid giddejedje njukčamánu 12. beaivvi, de leat Norgga studeanttaid šearbmaáigi lassánan 30 proseanttain ja sii rahčet ruovttuoahpuin.
86,4 proseantta studeanttain dovdet ahte eai leat seamma produktiivvat go lohket ruovttus. Dan lea fitnodat, mii lea Hold-áppa ráhkadan, gávnnahan iskkadeamis.
Iskkadeapmi čájeha ahte bealli studeanttain lihkket 11-12-áiggi, ja olusat lohket dušše moadde diimmu beaivái. Studeanttat geavahit 29 diimmu ovddabealde šearpma vahkkui, mii lea sullii njeallje diimmu ja gávcci minuhta beaivái.
Stuorámus hástalusat go bargá ruovttus lea rutiinnaid vátni, áigemearrideapmi, ii leat bargosadji ja mokta.
