Statnett lea čađahan šiehtadallamiid guđa orohagain, ovttain siiddain ja ovttain ruoŧabeal čearuin.
Statnett lea čađahan šiehtadallamiid guđa orohagain, ovttain siiddain ja ovttain ruoŧabeal čearuin.
Statnett čállá neahttasiiddus ahte leat čađahan šiehtadallamiid orohagaiguin, siiddain ja čearuin, ja leat ráhkadan čieža šiehtadusa.
Šiehtadusat lea dan áigodaga ovddas go ođđa el-rávdnjelinjjá huksenbarggut leat jođus, ja regulerejit mo bohtet guvlui, goas doaimmat galget bissehuvvot, buhtadusa lassi bargguid geažil, makkár gulahallan ja ovttasbargu beliiguin galgá leat ja mo hálddahuslaš golut galget gokčojuvvot.
Jotket ain ođđa šiehtadusaiguin
– Dáid šiehtadusaid bokte ožžot sihke orohagat ja Statnett buoret eavttuid movt el-rávdnjelinjjábargit galget bargat iešguđet guovlluin, muitala Statnett šiehtadallanjođiheaddji Stig Gøran Hagen.
– Ovdalaččas lea dahkkon šiehtadus njeljiin orohagain, ja dál leat vel lassin dat ođđa čieža šiehtadusa. Oktiibuot leat 11 šiehtadusa dahkkon dain 36 orohagaiguin mat leat huksenguovlluin. Eanet šiehtadallamat čađahuvvojit ovdal jahkemolsašumi, čállá Statnett ruovttusiiddus.
Šiehtadusat leat dahkkon čuovvovaš orohagaiguin:
Könkämä čearru
Orohat 27 Joahkonjárga
Orohat 19 Sállan
Orohat 32 Silvetnjárga
Orohat 28 Cuokcavuotna
Siida Johan Mikkel M. Hætta
Orohat 41 Beaskáđas
