Sotnabeaivvi dárkkistii Stáda Luonddubearráigeahčču (SNO) muhtin loddejeddjiid.
Mánnodatčuovganeapmái čađahii SNO loddendárkkisteami Luovosjávrris, Guovdageainnu lulábealde.
Guokte albmá, vuollel 20-jahkásaš ja nubbi badjelaš 20-jahkásaš leaba váidon lobihis bivddu geažil, čállá Finnmárkku politiijaguovlu.
Ávviris leat dieđut ahte albmáguovttos váruhuvvoba báhčán lottiid maid ii leat lohpi báhčit.
Ávvir čuovvula ášši.