-Almmuhus-
-Almmuhus-
OĐĐASATStáda ii lean ovttaoaivilis lágamannerievtti duomuin

Stáda ii lean ovttaoaivilis lágamannerievtti duomuin

Journalista

-

-

Stáhta ákkastallá guoddaleami ahte gorrelogu mielde unnideami njuolggadus ii rihko rievtti doaimmahit sámi kultuvrra ON-konvenšuvnna SP 27 mielde.

Hålogalándda Lágamánnerievtti duomu áššis gaskal Stáhta ja Jovsset Ante Sara, gos Sara vuittii, lea stáhta mearridan guoddalit Alimusriektái danne go eai leat ovttaoaivilis Hålogalándda Lágamánnerievtti duomuin.

 

Siskkobealde rámmaid
Stáhta oaivvilda dat áigeguovdilis mearrádus, mii guoská gorrelogu unnideapmái, lea stáhta álbmotrievttalaš geatnegasvuođaid rámmaid siskkobealde.
– Gorrelogu mielde unnideapmi mearkkaša ahte buot siidaoasit fertejit leat mielde unnidit boazologu ceavzilis dássái, muhto liikká nu ahte leat dat stuorámus siidaoasit mat unnidit eanemusat, čállá Anne Marie Glosli Eanandoallo- ja biebmodepartemeanttas e-boasttas.

 

Ii rihko ON-konvenšuvnna
– Njuolggadus váldá danne vuhtii buot siidaosiid. Seammás vuhtii váldá njuolggadus dárbbu doalahit ulbmillaš ealáhusstruktuvrra unnidanáigodagas. Njuolggadus dan dihte ii rihko rievtti doaimmahit sámi kultuvrra ON-konvenšuvnna siviila ja politihkalaš vuoigatvuođaid 27. artihkkala mielde, čállá Glosli ja lohká Eanandoallo- ja biebmodepartemeanta ii áiggo eanet kommenteret áššis.

 

Viidásit proseassa áššis  lea ahte Alimusriekti álggos galgá geahčadit dohkkehuvvo go guoddaleapmi ovddiduvvot Alimusriektái. Jus guoddalanášši ovddiduvvo, de jáhkkimis guoddalanšiehtadallamat beaiváduvvojit loahpas dán jagi.

 
Ávvir ii leat lihkostuvvan oažžut ságaide Jovsset Ánte Sara, gii lea dál giđđajohtimis.

 

 

-Almmuhus-