Anne Randi Solbakken lea Nuorttanastte ovccát doaimmaheaddji 126 jagi áigodagas.
Nuorttanaste bláđis lea dál ođđa doaimmaheaddji. Son lea Bikk` Áillu Solveiga ja Sámmol Ándde Hánssa Anne Randi, Anne Randi Solbakken. Son ássá Kárášjogas ja lea 46-jahkásaš. Solbakken álggii doaimmaheaddji virgái guovvamánu 1. beaivvi.
Solbakkena mielas Nuorttanaste lea leamaš ja lea ain dehálaš sámegiela ja sámi identitehta seailluheapmái, ja lea dehálaš bláđđi Sápmái.
Anne Randi Solbakken lea fágaoahpaheaddji sámegielas ja mediafágas. Son lea bargan journalistan NRK Sámis ja luođobargin Ávviris. Son lea maid leamaš mediaoahpaheaddji Sámi joatkkaskuvllas Kárášjogas
