– Somás vástádus!

1. Masa geavahat leaŋggaid?

– Leaŋggat leat diet maid bijat go galgá vuoddjit herggiin. RIEKTA!

2. Gii lei Ávvira vuosttaš váldodoaimma­headdji?

– Ánte Bals lea áidna gean fuobmán. Son goit jotkkii maŋŋel oktiičaskima. RIEKTA!

3. Goas ledje Guovdageainnu stuimmit?

– 1852. RIEKTA!

Vidar birgii bures álgovuorus ja vástidii riekta buot golmma gažaldagaide.

Son manná viidásat liigegažaldagaide.

Mii murjjiid láddá vuosttažiin Sámis?

– Dat goit vuolgá das gos leat. Logan sarrit. BOASTUT!

Rievttes vástádus: Luomi.

Vidar sáhttá vel árvádusas čoaggit čuoggáid.

Árvádusain sáhttá oažžut 5, 10 dahje 15 čuoggá. 

Rukses árvádusas oažžu 15 čuoggá, alit árvádusain oažžu 10 čuoggá ja ruoná árvádusain ges 5 čuoggá, ja ivnnit leat áŧestuscehkiid mielde ráhkaduvvon.

Vidar vállje alit árvádusa:

Mii lea earru hivssetbáhpiris ja biillas?

– Ehh… Dien in dieđe. Hmm, lea várra ahte gávdno eanet hivssetbábir. BOASTUT!

Rievttes vástádus: Biilla sáhttá vuovdit vaikko lea adnon.

– Já nu, somás vástádus, ha-ha!

Galle čuoggá oktiibuot: 3

Juohke gilvaleaddji beassá hástalit ođđa gilvaleaddji Ávvira geassegilvui ja Vidar hástala Raimo Valle.