Oanehis áiggis leat viesut buollán ja siválaččat leat leamas erenoamaš sorttat lieggačáhcetáŋkkat. Dál bivdet politiiját olbmuid geahččat makkár lieggačáhcetáŋkka sis lea viesus, dát sáhttá eastadit buollimiid ja gádjut heakka. – Soaittáhagas ahte ii oktage duššan, lohká politiijá preassadieđáhusas.
Oanehis áiggis leat viesut buollán ja siválaččat leat leamas erenoamaš sorttat lieggačáhcetáŋkkat. Dál bivdet politiiját olbmuid geahččat makkár lieggačáhcetáŋkka sis lea viesus, dát sáhttá eastadit buollimiid ja gádjut heakka. – Soaittáhagas ahte ii oktage duššan, lohká politiijá preassadieđáhusas.
Oanehis áiggis bulle guokte viesu Álttás. Dál čájehuvvo ahte goappaš dáhpáhusain lei sivvan seamma sorttat lieggačáhcetáŋka.
Dál bivdet politiijat olbmuid geahččat lea go sis Oso Hotwater Superserie sorttat lieggačáhcetáŋka, vai besset molsut daid osiid main lea buollinvárra.
– Lei dušše soaittáhagas ahte ii oktage duššan daid buollimiid geažil mat ledje Álttás, lohká Steinar Aas Andersen Álttá leansmánnekantuvrras preassadieđáhusas.
– Dál ferte Finnmárkku álbmot geahččat lieggačáhcetáŋkka sortta vai sáhttet eastadit eanet buollimiid ja vejolaččat gádjut heakka maid, lohká son.
Sivalaččat buollimiidda
Lea guhká gullon ahte leat máŋggat duháha várálaš Oso Hotwater lieggačáhcetáŋkka Norgga viesuin.
Lea okta oassi lihtis mii lieggana badjelmeare mii lea olu buollimiidda sivalaš, maiddái dan guovtti buollimii mat ledje Álttás.
Sáddejit ođđa oasi
Sii geain leat Oso Hotwater lieggačáhcetáŋka fertejit geahččat mearkalihpu mii lea táŋkka alde, mii lea ránes lohkki vuolde, dieđihit Finnmárkku politiijat preassadieđáhusas.
Doppe čuožžu makkár sorta juste du lieggačáhcetáŋka lea.
Jus gávnnat iežat táŋkanama listtus, de sáddet produkšuvdnanummira, nama, čujuhusa ja telefonnummára e-boasttain ledning@oso.no dahje registreret iežat njuolga Oso Hotwater neahttasiiddus. Sii sáddejit dasto dutnje ođđa elektrihkalaš oasi táŋkii.