Spekter ja vihtta bargiidsearvvi leat gulahallan bálkálasáhusaid ja penšuvdnaortnegiid birra. Garve stuora bargoheaitaga mii livččii čuohcat garrasit álbmogiid.
Spekter ja vihtta bargiidsearvvi leat gulahallan bálkálasáhusaid ja penšuvdnaortnegiid birra. Garve stuora bargoheaitaga mii livččii čuohcat garrasit álbmogiid.
Viidnegávppit leat rahpasat, kollektiivajohtolat ja girditogat mannet nu go dábálaččat ja mánáidgárddit leat rahpasat vuossárgga.
Stuora streaikas ii šaddan mihkkege go bealit gulahalle.
Duhtavaš
Spekter ja vihtta bargiidsearvvi leat ovttaoaivilis maŋŋel go leat njeallje beaivvi gulahallan bálkálasáhusaid ja penšuvdnaortnegiid birra.
– Lean hui duhtavaš go gávnnaimet čovdosa, bargit buot 13 doaimmas eai dárbbaš streiket. Bargoheaitta livččii čuohcat garrasit sihke doaimmaide ja sin geavaheddjiide, dadjá Spekter hálddašandirektevra Anne-Kari Bratten NTB:i.
Illudit
Bargoaddiid organisašuvnnain Spekteriin soabadalle vihtta iešguđetlágan bargiidsearvvi, nammalassii LO Stáhta, Unio, SAN, Lederne ja YS Spekter. Bealit šiehtadalle ja soabadalle 29 ášši birra mat gusket bálkkáide ja penšuvnnaide.
– Mii leat duhtavaččat bálkálasáhusaiguin ja penšuvdnaortnegiiguin, lohká YS Spekter jođiheaddji ja Delta vuosttaš nubbejođiheaddji Lizzie Ruud Thorkildsen.
Marathona
LO Stáhta soabadallanjođiheaddji gohčoda šiehtadallamiid marathona-soabadallamin.
– Lean hui duhtavaš go nagodeimmet oanehis bottas olahit iežamet gáibádusaid ja go stuora streaikka garvviimet, dadjá Eivind Gran.
