Leavnnja dievdu, badjel njealjelotjahkásaš, lea dubmehallan máksit 12 000 ruvdnosaš sáhku dahje čohkkát 24 beaivvi go fálai ruđaid nieiddažiidda ja geažuhii sexa-oastima.
Leavnnja dievdu, badjel njealjelotjahkásaš, lea dubmehallan máksit 12 000 ruvdnosaš sáhku dahje čohkkát 24 beaivvi go fálai ruđaid nieiddažiidda ja geažuhii sexa-oastima.
Dáhpáhusat ledje ođđajagemánus ja guovvamánus 2016 Leavnnjas, go dievdu bijai 200 ruvnnos gitta 4000 ruvdnui beavdái ja jearai guovtti vuolleahkásaš nieiddain, maid soai livččiiga bargan dan ruđa ovddas.
Das ii lean sáhka dábálaš barggu birra, muhto sexabarggu birra.
Dievdu lea maid hupman ollu sexa birra nieiddaiguin, čuožžu duomus.
Ii mieđihan iežas sivalažžan
Áššáskuhtton dievdu lea rihkkon ráŋggáštuslága (2005) § 305, go lea sániiguin dahje daguiguin dahkan seksualálaš loavkideami dahje eará láhttenvuogi mii ii leat ávddalaš mánáid vuostá geat leat vuollel 16-jahkásaččat.
Dievdu ii mieđihan iežas sivalažžan áššáskuhttimis.
Dubmehalai
Sis-Finnmárkku diggegoddi dubmii dievddu go lea seksualálaš láhttenvugiin loavkidan vuolleahkásaččaid.
Dievdu ii leat ovdal dubmehallan áššiin main lea mearkkašupmi áššái.
Áššis lea guokte vahkku guoddalanáigi cuoŋománu 24. beaivvi rájes.
