Politiijat vulge guorrat luottaid skutersuollagiid maŋis, muhto luottat jávke go skuteriin ledje vuodján eret luottas.
Politiijat vulge guorrat luottaid skutersuollagiid maŋis, muhto luottat jávke go skuteriin ledje vuodján eret luottas.
Mánnodatiđida dieđihii Finnmárkku politiijaguovlu ahte golbma muohtaskutera leat suoláduvvon Ski-Doo senteret A/S fitnodagas Álttás. Suollagat leat leamaš jođus mánnodatiđida.
Ski-Doo sentera bargit ledje geahččalan čuovvut suollagiid ja nu dahke politiijat maid. Raipasa bokte gávdnui okta dain suoláduvvon skuteriin, čállá iFinnmark.
Gurre luottaid
– Mii oaččuimet dieđu muhtimis Eibos ahte doppe lea skuter vuodjime. Mii leimmet báikkis ja geahččaleimmet guorrat skutera, muitala Finnmárkku politiijaguovllu operašuvdnajođiheaddji Lars Jørgen Kleven iFinnmarkii.
Politiijat gurret luottaid Øytun rádjái. Doppe lei skuter mohkastan eret biilaluottas skuterluddii mii manná meahccái.
Politiijat sihtet cavgilemiid 02800 nummarii jus leat dieđut.
