Namma: Hilde S. Bach
Ahki: 39
Guovlu: Deatnu
1. Mii lea Norgga stuorámus idjaloddi?
– Hmm.. Ii son dat leat jievjaskuolfi? Boastut!
Rievttes vástádus: Lidnu (Hubro)
2. Guđe riikkat gullet Skandináviai?
– Ruoŧŧa, Norga, Danmárku ja Ruošša. Boastut!
Rievttes vástádus: Ruoŧŧa, Norga ja Danmárku.
3. Galle Mosesgirjji leat biibbalis?
– Guhtta? Ii.. dat lea vihtta. Riekta!
Go Bach ii vástidan riekta buot golbma vuosttaš gažaldaga, de son ii mannan viidáseappot gilvvus. Son dattetge beassá geahččalit vástidit árvalusa mainna sáhttá fasket 5, 10 dahje 15 čuoggá. Dat lea dan duohken guđe ivnni vállje. Rukses árvalus lea váddáseamos, ja jus vástida riekta, de oažžu 15 čuoggá. Alit árvalusas faske 10 čuoggá ja ruonás 5 čuoggá.
Bach vállje alit ivnni, ja mii jearrat sus dán árvalusa:
Mas lea okta uksa gokko manat sisa, ja golbma uvssa gokko manat olggos. Go leat mannan sisa, ja fas olggos dan golbma uksaráigge, de don leat siste. Man siste leat?
– Lea go lohpi vástidit ahte ii dieđe? Mun in dieđe. Boastut!
Rievttes vástádus: Báidi
Galle čuoggá oktiibuot: 1 čuoggá.
Juohke gilvaleaddji beassá hástalit ođđa gilvaleaddji Ávvira geassegilvui. Bach háliida hástalit Arne Josvald Sabbasen searvat Ávvira geassegilvui.
