Ruovddi haga ii nagot varra jođihit oksygena birra gorudis, ja dutkkus čájeha ahte sii guđet borret ollu bohccobierggu ja varrabiepmu, sis lea eanet ruovdi varas go earáin.
– Mii leat iskkan biebmodábiid 24 suohkana ássiin dáppe davvin, ja geahčadan maid sii borret ja man stuora ruovdevuorká sis lea, muitala dutki Ann Ragnhild Broderstad
Dearvvašvuođadiehtaga fakultehtas Norgga Arktalaš universitehtas ja fágajođiheaddji sámi dearvvašvuođadutkan guovddážis (SAMINOR).
Broderstad ja su dutkanjoavkku juhke álbmoga viđa biebmokategoriijai. Sii guđet borret:
1. Bohccobierggu ja varrabiepmu
2. Guoli
3. Máŋggabealálaš borramuša
4. Ollu šattuid ja ruotnasiid
5. Oarjemáilmmi biepmu,pizza
– Lea oahpes ášši ahte nissoniin lea dávjjit ruovdeváili go dievdduin, muhto nissoniid gaskkas geat ledje bohccobiergu ja varrabiebmu kategoriijas, lohká Broderstad.
Olles ášši sáhttát lohkat Norgga Arktalaš universitehta siidduin.
