Coop sihtá olbmuid máhcahit ABC-stoahkanhearvva maŋŋel go leat fuomášan ahte dat ii doala sihkarvuođadási.
Coop gávpefitnodat bivdá olbmuid geat leat oastán «ABC-rangle» máhcahit dán buvdii.
Stoahkanhearvva lohkki sáhttá beassat ja dalle gahččet smávva oasážat olggos.
Dat dagaha mánáid sihkarvuođa ovdii go sáhttet buvvánit jus cogget smávva osiid njálbmái.
– Mii leat iskan buktaga dárkilit ja oaivvildit ahte dat ii doala doarvái buori sihkarvuođadási. Danin bivdit olbmuid daid máhcahit buvdii, dadjá Coop Norgga gulahallanhoavda Harald Kristiansen preassadieđáhusas.
Šállošit
Stoahkanhearva gávdno golmma iešguđetge ivnnis ja lea vuvdon Coop Obs, Extra ja Prix gávppiin 49 ruvdnui.
Coop lea heaitán vuovdimis stoahkanhearvva.
– Mii šállošit dáhpáhusa ja máksit ruđa ruovttoluotta olbmuid geat leat oastán stoahkanhearvva, dadjá Kristiansen.
