Fránska piano čuojaheaddji Yann Tiersen lea dovddus earret eará ráhkadan musihka filbmii «Den fabelaktige Amélie fra Montmartre». Tiersen lea dál sihkkelmátkis Davvi-Norggas, ja bisánastá Gáivuonas álgoálbmotfeastiválas Riddu Riđđus vahku geahčen.
Fránska piano čuojaheaddji Yann Tiersen lea dovddus earret eará ráhkadan musihka filbmii «Den fabelaktige Amélie fra Montmartre». Tiersen lea dál sihkkelmátkis Davvi-Norggas, ja bisánastá Gáivuonas álgoálbmotfeastiválas Riddu Riđđus vahku geahčen.
Feastivála jođiheaddji Karoline Trollvik lohká sis lea albma lihkku, go fáhkka oaččuimet Yann Tiersen sallii.
– Son lea máilmmidovddus, ja sus lea duohta beroštupmi dasa maid mii Riddu Riđđus bargat gaskkustit. Tiersen lea eret Bretagnes, gos lea nanu kelttalaš historjá mas leat máŋga bálddalas čanastaga maid eará álgoálbmogat leat vásihan, joatká Trollvik.
Tiersenas leat fárus guokte čuojaheaddji sihkkelmátkkis.
– Dat šaddá erenoamáš čáppa vásáhus, lohká feastivála jođiheaddji. Gieskat čielggaige ahte Mari Boine ovttas Frode Fjellheimain maiddái čuojaheaba Riddu Riđđus, go dán jagaš váldoartista East Journey/Yothu Yindi šadde geassádit.
Riddu Riđđu lágiduvvo suoidnemánu 8-12. beivviid.
