Unjárgga ráđđeaddi, Marit Helene Pedersen hástala olbmuid coggat gávtti ja searvat Agnete MGP poastakortii. – Ulbmil lea čájehit Eurohpái geat mii leat.
Unjárgga ráđđeaddi, Marit Helene Pedersen hástala olbmuid coggat gávtti ja searvat Agnete MGP poastakortii. – Ulbmil lea čájehit Eurohpái geat mii leat.
Miessemánu 14. beaivvi lávke Unjárgga nieida Agnete Johnsen Eurovision Song Contest lávddi ala Ruoŧas, gos galgá ovddastit olles Norgga. Dan oktavuođas galgá ráhkaduvvot filmmaš mii muitala gii Agnete lea, ja gos son boahtá!
Ovddasta Sámi
Agnete Johnsen ii ovddas dušše Norgga, muhto Sámi maid. Danne lea ráđđeaddi mielas hui dehálaš čalmmustahttit dán.
— Lean hui duhtavaš Agnetiin, ja dan maid son lean olahan. Go lea ná guhkás ollen, de lea hui dehálaš ahte mii veahkehit gokko sáhttit, lohká Unjárgga ráđđeaddi Marit Helene Pedersen.
Čiŋat gávttiin
Unjárgga gielda hástala olbmuid sihke Unjárggas, Deanus ja Kárášjogas čoagganit Unjárgga musea olggobeallai ihttin, gos galgá filbmejuvvot Eurovision Song Contest filmmaš.
— Livčče hui suohtas jus nu olu olbmot go vejolaš boađášii, ja nu oallugin go vejolaš lea gákti badjelis. Ulbmil lea čájehit Eurohpái geat mii leat, lohká Pedersen.
Unjárgga musea
Filbmen álgá ihttin diibmu guovttis olggobealde Unjárgga musea.
— Dasa lassin lea vejolaš oastit juoga borrat ja juhkat doppe maid, dat gii dan háliida. Ja sávat ahte nu oallugat go vejolaš bohtet ráhkadit eallima filbmii, loahpa Pedersen.
